खडकवासल्याचा पैलवान   मारणार विधानसभेची कुस्ती!.

.

खडकवासल्याच्या सर्वागीण विकासासाठी राहुल मते नशिब अजमवणार !!

लोकांचे उत्पन्न नाही तर मनपात गावे समाविष्ट कशाला ?:
राहुल मते 

मतदारांचा प्रतिसाद पाहता खडकवासल्यात नक्कीच "किटली"फिरणार

पुणे:लक्ष्मण साबळे

खडकवासला विधानसभा मतदारसंघांमध्ये जोरदार राजकीय घडामोडी सुरू आहेत. 
तिरंगी  वाटणाऱ्या निवडणुकीमध्ये एक जिद्दी उमेदवार सर्वांचे लक्ष वेधतोय.
राष्ट्रीय कुस्तीपटू असलेले 
  अपक्ष उमेदवार राहुल मते खडकवासला विधानसभेसाठी प्रचाराचा झंजावात करत आहेत. 
 खडकवासल्याच्या स्वाभिमानासाठी व विकासासाठी ही विधानसभा निवडणूक लढवून जिंकणार असा आशावाद राहुल मते यांनी  आरंभपर्व कडे व्यक्त केला आहे..
गेली अनेक वर्षापासून ह्या मतदारसंघातील समस्यांनी काहूर माजवले  आहे.
   त्यात बदल करण्यासाठी ही  विधानसभा निवडणूक लढवण्याचा निर्णय मी घेतला आहे.
नाईलाजाने मला अपक्ष लढावे लागत असले तरीही मतदारांचा प्रतिसाद पाहता विजय निश्चित आहे असे मी मानतो.
   इतर उमेदवाराकडे आर्थिक ताकद व इतर गोष्टी भरपूर आहेत . मात्र सर्वसामान्य जनतेच्या आशीर्वादावर मी ही निवडणूक लढवत आहे . शेतकरी कष्टकरी कुटुंबाच्या या पुत्राला  मतदारसंघातील नागरिक विधानसभेत नक्कीच पाठवतील असा आत्मविश्वास पै. राहुल मते  यांनी व्यक्त केला .

खडकवासला मतदारसंघातील विविध भागांमध्ये त्यांचा होम टू होम प्रचार सुरू आहे. त्यास नागरिकांचा प्रतिसाद मिळत आहे.